Yillar meni ayirdi sizdan

Yillar meni ayirdi sizdan,

Yillar dilga soldi qirovlar.

Bezor bo‘lgan ekanmi bizdan,

O‘rtamizga tushdi birovlar.

Mehr bitdi, tug‘ildi gumon,

Muhabbatdan so‘zlamay qo‘ydik.

His-tuyg‘ular qolmadi omon,

Biz visolni izlamay qo‘ydik.

Yillar o‘tdi, muzladi yurak,

Qayg‘ularni quvladi to‘fon.

Yor bo‘lmadi bizga kelajak,

Faqatgina yor bo‘ldi armon.

Oldingi sh'er :: Keyingi sh'er